Ye Aur Baat Teri Gali Mein Na Aayein Hum,
Lekin Ye Kya Ke Sheher Tera Chhor Jayen Hum,
Muddat Hui Hai Koo-E-Butan Ki Taraf Gaye,
Aawargi Se Dilko Kahan Tak Bachaaein Hum,
Shayad Ba-Qaid-E-Zeest Ya Saa'at Na Aa Sakey,
Tum Daastan-E-Shauq Suno Aur Sunaein Hum,
Benoor Ho Chuki Hai Bahut Sheher Ki Fiza,
Tareek Raaston Mein Kaheen Kho Na Jayein Hum,
Us k Bagair Aaj Bahut Jee Udaas Hai,
Chalo Kaheen Se Usey Dhoond Laye Hum.
No comments:
Post a Comment