Aaj Jaanay Ki Zid Na Karo ...

Aaj Jaanay Ki Zid Na Karo ...
Yoon Hi Pehlu Mein Baithe Raho,
Haaye Mar Jayein Ge, Hum To Lut Jayein Ge,
Aisi Baatein Kiya Na Karo,
Aaj Jaanay Ki Zid Na Karo,

Tum Hi Socho Zara, Kiyun Na Rokein Tumhein,
Jaan Jati Hai Jab Uth Ke Jaate Ho Tum,
Tum Ko Apni Qasam Jaan-e-Jaan,
Baat Itni Meri Maan Lo,
Aaj Jaanay Ki Zid Na Karo,

Waqt Ki Qaid Mein Zindagi Hai Magar,
Chand Ghariyaan Yehi Hain Jo Azaad Hain,
In Ko Kho Kar Mere Jaan-e-Jaan,
Umar Bhar Na Tarastay Raho,
Aaj Jaanay Ki Zid Na Karo,

Kitna Maasoom Rangeen Hai Ye Samaa,
Husn Aur Ishq Ki Aaj Me'raj Hai,
Kal Ki Kis Ko Khabar Jaan-e-Jaan,
Rok Lo Aaj Ki Raat Ko,
Aaj Jaanay Ki Zid Na Karo ...

Contribute: Zahid Shah
www.zahid-shah.blogspot.com/