Khalish-e-Hijr-e-Dayami Na Gai ...

khalish-e-hijr-e-dayami na gai
tere rukh se ye berukhi na gai

Poochte hain k kya hua dil ko
husn walon ki saadgi na gai

sar se sauda gaya muhabbat ka,
dil se par is ki bekali na gai,

aur sab ki hikayaten keh dee'n
baat apni kabhi kahi na gai,

hum bhi ghar se 'Munir' tab nikle
baat apnon ki jab sahi na gai ...

Poet : Munir Niazi
Contribute : Zahid Shah
www.zahid-shah.blogspot.com/