Mehfilein Lut Gaeen, Jazbaat Nay Dam Torr Diya,

Mehfilein Lut Gaeen, Jazbaat Nay Dam Torr Diya,

Saaz Khaamosh Hain, Naghmaat Nay Dam Torr Diya,

Har Musarrat Gham_e_Deros Ka Unwaan Bani,

Waqt Ki Goad Mein Lamhaat Nay Dam Torr Diya,

Un_Gint Mehfilein Mehroom_e_Charaaghaan Hain Abhi,

Kaun Kehta Hai K Zulmaat Nay Dam Torr Diya,

Aaj Phir Bhuj Gaye Jal Jal K Umeedon K Charaagh,

Aaj Phir Taaron Bhari Raat Nay Dam Torr Diya,

Jin Say Afsaana_e_Hasti Mein Tasalsal Tha Kabhi,

Un Mohabbat Ki Rawayaat Nay Dam Torr Diya,

Jhilmilaatay Huey Ashkon Ki Larri Toot Gayi,

Jagmagaati Hui Barsaat Nay Dam Torr Diya,

Haaye ... Aadaab_e_Mohabbat K Taqaazay SAGHAR,

Lab Hillay Aur Shakayaat Nay Dam Torr Diya ....

Poet : Saghar Siddiqui
Contribute : Zahid Shah