So Wo Aansu Hamare Aakhri Aansu Thay

So Wo Aansu Hamare Aakhri Aansu Thay

Jo Hum Nay Galay Milkar Bahaye Thay

Na Janay Waqt Un Aansuon Say Kis Taur Pesh Aaya,

Magar Meri Fareb-E-Waqt ki Behki Hui Aankhon Nay,

Us K Baad Bhi,

Aansu Bahaye Hain,

Mere Dil Nay

Bohat Say Dukh Rachaaye Hain,

Magar Yun Hai K

Maah-O-Saal Ki Is Rayegaani Mein,

Meri Aankhein,

Galay Miltay Huey Rishton Ki Furqat K Wo Aansu,

Shayad,

Phir Na Ro Paayein,

So Wo Aansu Hamare Aakhri Aansu Thay ...

Poet : Jaun Elia