Sukoon bhi khuwaab hua, Neend bhi hai kam kam phir

Sukoon bhi khuwaab hua, Neend bhi hai kam kam phir

Qareeb aaney laga dooriyon ka mausam phir

Bana rahi hai teri yaad Mujh ko silk-e- kauhar

Piro gaee meri palkon pay aaj shabnam phir

Woh narm lehjey mein keh raha hai phir mujh sey

Chhirra hai pyar k komal suron mein madham phir

Tujhe manaaoon k apni Anaa ki baat sunoon

Ulajh raha hai mere faisalon ka resham phir

na uski baat main samjhoon, na woh meri Nazrein

Muaamlaat-e-zubaan ho chalay hain mubham phir

Ye aaney wala naya dukh bhi us k sar hi gaya

chatakh gaya meri angashteri ka neelam phir

Woh aik lamha k jab saarey rang aik huey

Kisi bahaar ney dekha na aisa sangam phir

Bohat, aziz hain meri Aankhein usey, lekin

Wo jaatey jaatey inhein kar gaya hai purnam phir ...