Ay May-Gusaaro Savere Savere,

Ay May-Gusaaro Savere Savere,
Kharaabat Ke Gird Phere Pe Phere,

Bari Roshni Bakhshte Hain Nazar Ko,
Tere Gesuon Ke Muqaddas Andhere,

Kisi Din Idhar Se Guzar Kar To Dekho,
Badi Raunaqen Hain Faqeeron Ke Dere,

Gham-E-Zindagi Ko "Adam" Saath Lekar
Kahaan Jaa Rahe Ho Savere Savere ...

Poet : Abdul Hameed Adam
Contribute : Zahid Shah

www.zahid-shah.blogspot.com/