Samundar Mein Utarta Hoon To Aankhain Bheeg Jaati Hain ...

Samundar Mein Utarta Hoon To Aankhain Bheeg Jaati Hain

teri aankhon ko parhta hoon to aankhain bheeg jati hain

tumhara naam likhnay ki ijaazat chin gai jab sey

koi bhi lafz likhtaa hoon to aankhain bheeg jati hain

teri yaadoon ki khushboo khirkiyon main raqs karti hay

tere gham main sulagta hoon to aankhain bheeg jati hain

Na_jaaney ho gaya hoon is_qadar hassaas main kab sey

kisi se baat kartaa hoon to aankhain bheeg jati hain

wo sab guzrey hoey lamhaat mujh ko yaad aatey hain

tumhare khat jo parhta hoon to aankhain bheeg jati hain

main sara din bohat masroof rehta hoon magar joon hi

qadam chaukhat pey rakhta hoon to aankhain bheeg jati hain

tere koochey sey ab mera ta'alluq waajbi sa hai

magar jab bhi guzarta hoon to aankhain bheeg jati hain

Hazaaron mausamo'n ki hukmaarani hai meray dil par

Wasi main jab bhi tanha hon to aankhein bheeg jati hain !

Poet : Wasi Shah

Contribute : Zahid Shah

www.zahid-shah.blogspot.com/