Sochta Hoon Ke Usay Neend Bhi Aati Ho Gi,
Ya Meri Tarah Faqat Ashk Bahati Ho Gi,
Wo Meri Shakal Mera Naam Bhulanay Wali,
Apni Tasweer Se Kia Aankh Milati Ho Gi ?
Is Zameen Pe Bhi Hay Selaab Mere Ashkon Say,
Mere Matam Ki Sada Arsh Helati Ho Gi,
Shaam Hotay Hi Wo Chokhat Pay Jala Kar Shamain,
Apni Palkon Pay Ka'ee Khowab Sulati Ho Gi,
Us Nay Silwa Bhi Liye Hongay Siya Rang Libaas,
Ab Moharram Ki Tarah Eid Manati Ho Gi,
Hoti Ho Gi Mere Bosay Ki Talab Main Pagal,
Jab Bhi Zulfon Main Koii Phool Sajati Ho Gi,
Mere Tareek Zamano Say Nikalnay Wali,
Roshni Tujh Ko Meri Yaad Dilati Ho Gi,
Dil Ki Masoom Ragain Khud Hi Sulagti Ho Gi,
Joon Hi Tasweer Ka Kona Wo Jalati Ho Gi,
Roop Day Kar Mujhe Us Mein Kisi Shehzaday Ka,
Apne Bachon Ko Kahani Wo Sunati Ho Gi ...
Poet : Wasi Shah
Contribute : Zahid Shah
www.zahid-shah.blogspot.com/
No comments:
Post a Comment