December Ja Rehay Ho Na ?

December Ja Rehay Ho Na ?
December Ab Nahi Aana

Muqaddar K Shakista_Taaq Par Rakhi
Wo Boseeda Si
Jo Pehli Muhabbat Hai
Shakista Si Magar Ghazab, Bohat Zalim, Bohat Qatil Rafaaqat Hai,

December Ja Rehay Ho Na,
Unhein Bhi Sath Lay Jana ...

December Ja Rehay Ho Na,
December Ab Nahi Aana ...

Meri Sochon Ki Masnad Par
Jo Hakim Us Ki Yaadein Hain
Hai Gardish Zeher_e_Qatil Si
K Jis Mein Goonjti Rehti Hama_Waqt Us Ki Baatein Hain

Tumhein Sab Day Rahi Hoon Main
Unhein Bhi Sath Lay Jana

December Ja Rehay Ho Na,
December Ab Nahi Aana ...

Ye Wehshi Hijr K Mausam
Jo Sadiyon Say Mere Jeewan Pay Qaabiz Hain

Ye Khasta Jism, Bismil Jaan Bhi Faryaad Kartay Hain ...

December Sun Rehay Ho Na ?
December Ab Nahi Aana ..
Khudaara Ab Nahi Aana ..

Poetess : Ayesha Baig