Subuk Subuk Say Naqsh Thay

Subuk Subuk Say Naqsh Thay
Sarapa Naazneen Thi
Tamaam Lafz Bay Hunar
Wo Is Qadar Haseen Thi
Bohat Hi Dil Nasheen Thi
Wo Kon Maah_Jabeen Thi

Wo Us Ki Chashm-E-Neem
K Jab Kabhi Uthi Zara
Ye Kainaat Tham Gai
Main Dekhta Hi Reh Gaya
Hayaat Ka Yaqeen Thi
Wo Kon Mah_Jabeen Thi

Wo Aasmaa'n Ka Chand Thi
Zameen Pay Mera Rasta
Wo Kehkishaa'n Ki Hamsafar
Hamara Kesa Wastaa
Main Khaak, Wo Nageen Thi
Wo Kon Mah_Jabeen Thi

Wo Kon Khush Naseeb Hai
Jo Lay Gaya Hai Ghar Usay
Ye Zindagi Ka Khel Hai
Koi Luttay, Koi Basay
Suna Hai Khushi K Saij Par
Wo Gham Ki Hum Nasheen Thi
Wo Kon Mah_Jabeen Thi ...