Dil PareshaaN Hai, Kya Kiya Jaye,

Dil PareshaaN Hai, Kya Kiya Jaye,
Aqal HairaaN Hai, Kya Kiya Jaye,

Shauq-e-Mushkil Pasand Un Ka Hasool,
Sakht AasaaN Hai, Kya Kiya Jaye,

Ishq-e-KhoobaaN K Saath Hi Hum Mein,
Naaz-e-KhoobaaN Hai, Kya Kiya Jaye,

Be-Sabab Hi Meri Tabiyat-e-Gham,
Sab Se NaalaaN Hai, Kya Kiya Jaye,

Bawajood Un Ki Dil-Nawazi K,
Dil GurezaaN Hai, Kya Kiya Jaye,

MaiN To Naqd-e-Hayaat Laya Tha,
Jins ArzaaN Hai, Kya Kiya Jaye,

Hum Samjhe Thay Ishq Ko Dushwaar,
Ye Bhi AasaaN Hai, Kya Kiya Jaye,

Wo BahaaroN Ki Naaz-Parwardah,
Hum Pay NaazaaN Hai, Kya Kiya Jaye,

Misr-e-Lutf-o-Karam MeiN Bhi Ay ''John'',
Yaad-e-KinaaN Hai, Kya Kiya Jaye ...

Poet : John Elia
Contribute : Zahid Shah