Kis Say Izhaar-e-Mohabbat Keejay,

Kis Say Izhaar-e-Mohabbat Keejay,
Aap Miltay Nahi Hain, Kya Keejay,

Aap Thay Jis K Chaara-gar Wo Jawaan,
Sakht Bemaar Hai, Dua Keejay,

Mujh Ko Aadat Hai Rooth Jaanay Ki,
Aap Mujh Ko Manaa Liya Keejay,

Miltay Rehiye Isi Tapaak K Saath,
Be-Wafaai Ki Intehaa Keejay,

Aik Hi Fan To Hum Nay Seekha Hai,
Jis Say Miliye, Usay Khafaa Keejay ...

Poet : Jaun Elia
Contribute : Zahid Shah