Jab Teri Jaan Ho Gayi Ho Gi,

Jab Teri Jaan Ho Gayi Ho Gi,
Jaan Hairaan Ho Gayi Ho Gi,

Shab Tha Meri Nigaah Ka Bojh Us Par,
Wo To Halkaan Ho Gayi Ho Gi,

Us Ki Khaatir Hua Main Khaar Bohat,
Wo Meri Aan Ho Gayi Ho Gi,

Ho K Dushwaar Zindagi Apni,
Kitni Aasaan Ho Gayi Ho Gi,

Be-Gila Hoon Main Ab Bohat Din Say,
Wo Pareshaan Ho Gayi Ho Gi,

Ik Haweli Thi Dil Mohallay Mein,
Ab Wo Veeraan Ho Gayi Ho Gi,

Us K Koochay Mein Aayi Thi Sheeree'n,
Us Ki Darbaan Ho Gayi Ho Gi,

Kamsini Mein Bohat Shareer Thi Wo,
Ab Wo Shaitaan Ho Gayi Ho Gi ...

Poet : Jaun Elia
Contribute : Zahid Shah